Чолга еш-влак иквереш погыненыт. Еш идалык кышкарыште «Движение Первых» да «Роза ветров» йоча да самырык-влаклан рӱдер «Ме – турист еш» лӱман фестивальым эртареныт. Республик кӱкшытан туризм да краеведений фестиваль чумыр республик гыч 50 чолга ешым поген. Нунын коклаште - Йошкар-Ола гыч Никоновмыт еш. Суртоза палемда, тыгай вашлиймаш ешым иктыш уша, кажне еҥын чоныштыжо да ушыштыжо посна палым кода.