16 октябрь – киндын тӱнямбал кечыже. Киндым чапландараш, тудын кӱлешлыкшым да илыш куатшым ончыкташ тӱрлӧ кундемыште Угинде пайремым пайремлат. Таче тудын эртарыме радамже ойыртемалтеш гынат, мондалтын огыл. Эртыше каныш кечын Йошкар-Оласе Чарла Кремльыште Республикысе Марий тӱвыра рӱдер 10-шо гана, шкешотан лӱмгече Угинде пайремым эртарен. Ятыр еҥым, унам да артистым чумырышо площадке гыч Вера Горохован репортажшым ончаш темлена.