12-шо Марий погын вашеш журналист-влак дене вашлиймаш. Калык келшымаш пӧртыштӧ Республикысе СМИ пашаеҥ-влаклан пресс-конференций эртаралтын. 4 ийлан ик гана уло Россий гыч марий-влакым чумырышо кугу Погын тений 31 октябрь гыч 2 ноябрь марте Йошкар-Оласе икмыняр площадкыште эрташ тӱҥалеш. 12-шо Марий погынышто 438 делегат пашам ышта. Тышеч 214 еҥже - вес кундем гыч. Уна-влаклан кумда программе ямдылалтеш. Марий Погынлан ямдылалтме паша Республик Вуйлатышын тӱткышыштыжӧ.