Адмирал Фёдор Ушаков дене палдарыше ончер. Православий историй тоштерыште «Адмирал Ушаков» лӱман куснылшо выставке пашам ышта. Тудым Угарман кундем Саров оласе сарзе-теҥыз тоштер чумырен. Ты выставке мемнан деке ынде кумшо гана толеш да кажне гана шуко еҥым чумыра. Тиде гана тудо 20-шо октябрь марте пашам ышта. Ончерыш толшо-влак флотоводецын илышыже, тудын сеҥымашыже да наградыже нерген пален налын кертыт.