170 салтакын лӱмжӧ курымашлан гранит плиташ возалтын. Ленинград область Киров районысо «Невский пятачок» интернациональный «Шарнымаш аллейыште» Кугу Отечественный сар годым Марий кундем гыч Ленинград велне вуйым пыштыше салтак-влак лӱмеш шарныктыш стелым почыныт. Тудым почмашке Санкт Петербургыш Марий Элысе делегаций дене пырля «МЭТР» телеканалын пашаеҥышт миен коштыныт.