Устан мурат, куштат, почеламутым лудыт да шке кид дене тӱрлӧ моторлыкым шочыктат. Тиде чылажат начарын ужшо да йӧршеш сокыр ӱдыр ден рвезе-влак нерген. Шке мастарлыкыштым нуно уэш «Творчество не имеет границ» лӱман регион-влак кокласе фестивальыште ончыктеныт. Тений тудо 7-ше гана лийын да Савинысе школ-интернатын уэмдыме залже чон дене каныме шкешотан рӱдерыш савырнен.