10 декабрьыште марий калык Марий тиште кечым палемда. Молгунамсе семын мероприятий цикл «Марла чын возена» тӱшка диктант гыч тӱҥалын. 6 декабрьыште Валериан Васильев лӱмеш Марий институтышто «Науко да туныктымо пашаште у йӧным кучылтмаш: вияҥме корно» шанче-практик семинар эртен. Кызыт ме институтын вӱдышӧ шанче пашаеҥже, филологий шанче кандидат Марина Ипакова дене мутланена.