Самырык шымлызе-влакым саламленыт. Марий тиште кече вашеш Валериан Васильев лӱмеш шымлыше институтышто «Шочмо йылме возаш кумылаҥда» конкурсышто ойыртемалтше йоча-влакым чапландареныт. Регион кокласе конкурсыш 40 наре паша пурен. Тушко Татарстан Республикысе Кукмор район, Марий Элын 6 районжо да Йошкар-Оласе школлаште 2-11 класслаште тунемше ӱдыр-рвезе-влак ушненыт. Нунын пашаштым «Шочмо йылме – мемнан поянлыкна», «Мыйын тукымем» да «Нунын дене кугешнена» номинацийлаште акленыт.