Республикысе марий тӱвыра рӱдерлан – 25 ий. Тудо 1999 ийыште шочын. Рӱдерым икымше кече гычак Марий Элын сулло артистше Валерий Григорьев вуйлатен. Вара Наталья Пушкина, Василий Петров тиде сомылым шуктеныт. Ынде марий тӱвыра рӱдерым Ирина Якаева вуйлата. 25 ий жапыште шуко тӱрлӧ проект илышыш шыҥдаралтын. Лач нуно марий калыкын йӱлажым, тӱвыражым, илыш кучышыжым палдараш да шуараш ышталтыныт. Ленин лумеш тӱвыра полатыште лӱмгечылан пӧлеклалтше кугу пайрем концерт эртен.