Марий Эл Радио у приложенийым пашаш колтен. Тудым Google Play, RuStore, AppGallery платформылаште муаш лиеш. Ынде эфирыште мо ышталтеш - радиоприёмник деч посна пален налаш лиеш. Кӧн да могай муро кызыт йоҥга – тидымат приложенийыште ончалаш йӧн уло. Адакшым тудым тӱнян кеч-могай лукыштыжат колыштын сеҥат. Радиом колыштшо-влак ты плеерым аклен шуктеныт. Эн йӧнанже, палемдат нуно, приложений фоновый режимыштат пашам ышта.