У ий – юзо пагыт. Тиде жапыште кажныже йоча-влакын шонымашыштым шуктен кертеш. Марий Эл Виктер вуйлатышын алмаштышыже, республикын тувыра министрже СВО-што шке порысыштым шуктышо-влакын йочаштын да шуко шочшан ешыште кушшо удыр-рвезе-влакын шонымашыштым шуктен. Акцийыш Морко районышто илыше шуко шочшан Ивановмыт еш гыч Павел, Макар да Роман модышым ыштыше фабрикыште лийыныт. Рвезе-влак спорт дене кылым кучат, яра жапыште шке кид дене иктаж модышым ышташ, пу гыч пучкедаш йоратат.