«Турист сувенир» конкурс 2015 ий гыч эртаралтеш. Кажне ийын тушко ушнышо участник-влакын чотышт шукемеш. Южо регионжо ты конкурсыш кугу командым, 100 утла участникым колта. Мемнан республикат тушко чолган ушна. Тений 24 участник тиде конкурсышто лийын. Мемнан кундемыште гастрономический сувенир-влак йодмашан улыт. Нуно кажне ийын сеҥыше радамыш лектыт. Тиде, мутлан, мармелад, сыр гыч ыштыме продукций да молат.