Йошкар-Ола угыч нордик-влакын слётыштым вашлийын. Тений тудо йӱдвел коштмаш дене кылым кучышо-шамычым шымше гана чумырен. Ты гана шке вийым да усталыкым 130 наре еҥ ончыктен. Кажне кокымшыжо слётыш онлайн ушнен. Сеҥымаш паркыште рӱдоласе, Звенигово, Килемар, Курыкмарий районысо команде-влак погыненыт. Эн ончыч нордик-влак кап-кылыштым лывыртеныт, а вара парк йыр кок километрым эртеныт.