У ий кож воктек пагален ӱжыт. «Марий теле» фестиваль кышкарыште Марий тӱвыра рӱдер Ленин лӱмеш площадьыште весела концерт программым эртара. Площадьыш толшо йоча ден кугыеҥ-влакым модмашыш ужыт, муро-куштымаш дене куандарат. Пайрем концертым Марий тӱвыра рӱдер пеленсе «Чон оҥгыр» да «Падыраш» фольклор коллектив да мурызо-влак сӧрастарат. «Марий теле» фестиваль, ушештарем, регион Вуйлатышын темлымыж почеш кумшо ий эртаралтеш.