Нуно чыла уверым палат да кажне кечын тудын дене калыкым палдарат. 13 январьыште Российыште печать кечым палемдат. Ты аланыште тыршыше-влак тӱрлӧ пӱсӧ йодышым рашемдаш полшат. Поро йӱла почеш, тиде кечын журналистикыште ойыртемалтше пашаеҥ-влакым да нунын пашаштым палемдат. Печать кечын журналистикыште тыршыше-влакым регион вуйлатыше Юрий Зайцев саламлен. 1998 ий гыч журналистикыште тӱҥ премийлан «Шӧртньӧ пера» шотлалтеш. Тений ты премийым «МЭТР» телеканалын директоржо Ирина Фоминых сулен.