Курыкмарий драме театрлан – 30 ий. Репертуар кумдаҥеш, калык йӧратен спектакльым ончаш коштеш. Лач тиде театр шке курыкмарий йылмыжым арален кодымаште тырша да шочмо йылмым йӧраташ кумылаҥда. Кажне ийын 5 у постановкым калыклан ончыкта. Спектакль-влак марий да руш йылмыла дене лектыт. Нуно кугыеҥ да йоча-влаклан келыштаралтыт. 30 ияш лӱмгечылан пӧлеклалтше концерт дене театр Йошкар-Олашке, Шкетан лӱмеш Марий кыгыжаныш драме театрыш, толын.