12 тӱжем еҥ кинотеатрыш толын каен. У Торъял посёлкысо тӱвыра да каныме рӱдерыште «Успех» кинотеатр 2022 ий декабрьыште «Тӱвыра» федерал нацпроект почеш почылтын. Тиде пашалан 9 миллион теҥге ойыралтын. Тидлан тӱвыра да каныме рӱдерлан Российысе Кинофондын ойырымо турыштыжо конкурсым эрташ логалын. Российыште кинозал-влакым модернизироватлыме программе 2015 ий годсек шукталтеш. Тудым Российысе тӱвыра министерствын инициативыж почеш «Кино фонд» илышыш шыҥдара. Кинозал чыла нормылан келшен толеш.