11-ше классым тунем пытарыше-влак иктешлыше кугыжаныш экзаменлан ямдылалтыт. 1-ше февраль марте нуно могай предмет дене шинчымашым тергаш тӱҥалыт рашемден, йодмашым пуышаш улыт. Марий Элысе увер технологий-влак да образований качествым аклыме рӱдерыште палемдат, пытартыш жапыште тунемше-влак естественнонаучный виктышым ойырат: физикым, химийым, биологийым, профильный математикым.