Нигӧ ок мондалт! Нимо огеш мондалт! Кугу Ачамланде сарыште сеҥымылан пӧлеклалтше «Сеҥымаш салют» фестиваль умбакыже шуйна. Тудо кажне район ден олам уша. 8 февральыште Йошкар-Олашке Волжск район кугу усталык концерт дене толеш. Нуно «Тек шагат ик ганат ок шого» лӱман тематический программым ямдыленыт. Тушко Юлсер кундемын 12 вӱдышӧ йоча да кугыеҥ коллектив-влак ушнат. Палемдыман, тиде районышто чылаже калык лӱмым нумалше 4 ансамбль уло. «Сеҥымаш салют» фестивальыште 3 коллективше шке мастарлыкшым ончыкта.