Тимофей Евсеев лӱмеш калыкле тоштерыште инклюзивный ончер пашам ышта. Тудо марий калыкын тӱвыраж дене палдара. «Трогательный мир марийской культуры» лӱман ончер сокыр да начарын ужшо-влак, тазалык шотышто ойыртемалтше-влаклан ышталтын. Тимофей Евсеев лӱмеш калыкле тоштерыште тудо 10 февраль марте пашам ышташ тӱҥалеш. Ончыкыжым выставке Сергей Чавайн лӱмеш калыкле книгагудыш кусна. Кумданрак – материалыште.