Российын банкше финанс просвещений шотышто икмыняр онлайн-проектым илышыш пурта. Нуно школышто тунемше, кугырак ийготан да сулен налме канышыште улшо-влаклан келыштаралтыныт. Мутлан, школышто да колледжыште тунемше-влаклан - тиде онлайн-урок. Тушко шкет але тӱшка группо дене ушнаш лиеш. Финансовый грамотность дене онлайн-урок-влак 30 январь гыч эртаралташ тӱҥалыныт. Тушто тунемше-влак шке аккаунтым аралаш, мошенник-влакын йыҥгырышт да серышыштым ужаш, шке бюджетым виктараш да молыланат тунемыт. Кодшо ийын онлайн урокыш регионышто 10 тӱжем наре еҥ ушнен.