Шочмо йылмым, литературым йӧратыше да нине предмет-влакым сайын палыше тунемше-влак Марий Кугыжаныш университетыш погыненыт. Шочмо йылмын тӱнямбал кечыже вашеш Йошкар-Олаште этнокультур предмет-влак дене регион-влак кокласе олимпиаде эртен. Тушко Башкортостан, Татарстан, Удмуртий, Марий Эл Республикыла, Свердловск кундемла гыч тунемше-влак ушненыт. Чылаже 34 участник уш-акылжым терген.