Эше ик боецлан мемориал оҥам почыныт. Шернур районысо Кукнур кыдалаш школышто Специальный сарзе операцийын участникше, сержант Павел Конаковлан шарнымаш оҥам почыныт. Самырык боец элым аралаш 2022 ий октябрьыште мобилизаций годым каен. 2023 ий июньышто сержант боевой задачым шуктышыла вуйжым пыштен. Геройлыкым да лӱддымылыкым ончыктымыжлан тудо «Патырлык» орден дене колымекыже палемдалтын.