21-ше февраль - Шочмо йылмын тӱнямбалсе кечыже. Тиде пайремым ЮНЕСКОН Генеральный конференцийыштыже 1999-ше ийыште пеҥгыдемденыт. 2000–ше ий гыч тудым уло тӱняште ий еда палемдат. Марий Элыште тыгак шочмо йылмым аралыме шотышто ятыр проект пашам ышта. Иктыже «Лингва-территория» фестиваль. Тудым Йошкар-Олаште 2015-ше ий годсек эртарат. Тений Марий Кугыжаныш университетыште 19 тӱрлӧ йылме дене палдареныт.