«Армейский» душ, маскироватлыме сеть, окопысо сорта, надшлемник… Кызыт ынде маскироватлыме плащ-накидкым пидаш тӱҥалыныт.Чылажат мемнан салтакна-влаклан ышталтеш. Специальный сарзе операцийыште улшо боец-влаклан Йошкар-Оласе администрацийыште волонтер-влак маскироватлыме плащ-накидкым пидыт. Тудо СВО-што улшо салтакна-влаклан пеш кӱлешан. Поснак, снайпер да разведчик-влаклан.