Ял ден села гыч олаш, ола гыч сарзе операцийыш кайыме верыш. Гуманитар полышым погымо пашаш таче йочасад гыч тӱҥалын сулен налме канышыште улшо еҥ-влак марте ушнат. Республикысе районлаште 3 ий волонтёр ушем-влак пашам ыштат. Марий Эл гыч сарзе операций кайыме верыш 51-ше гана кугу партий гумполыш колталтын. Оборудований, автомобиль, пиломатериал, кочкыш ден вургем салтак-влаклан илен-лекташышт, бойышто участвоватлашышт полша. Гуманитар полышым погымо пашам районысо газет редакций-влакат шуктат.