23 изи гармоньчо ик сценыште. Каныш кечылаште Йошкар-Олаште «Изи гармоньчо» регион кокласе фестиваль-конкурс эртаралтын. Рӱдоласе сценыш Марий Элын тӱрлӧ районлаже, Башкортостан да Татарстан республикыла гыч изи артист-влак чумыргеныт. Конкурсант-влак ийгот шот дене таҥасеныт. Тыгак гармоньчо да семӱзгар ансамбль-влакым посна акленыт. Сеҥыше-влаклан эн тӱҥ приз гармонь да музык колонко лийын.