Тений Марий Элыште руш да марий йылме дене кугорно воктене 400 утла указательым вераҥдат. Тидын нерген республикысе транспорт да корно озанлык министрын алмаштышыже Денис Сазанов Виктер пеленсе Кугыжаныш йылме-влак комиссийын заседанийыштыже каласен. Но указательлаште марла возымаште чӱчкыдын йоҥылыш-влак дене тӱкнаш лиеш. Тыгак оласе транспорт чарналтыш-влакым, республикысе автовокзалыште рейс-влакым марла увертарымаште руш акцент йоҥга. Тӧрсырым кораҥдаш пижыныт. Кугыжаныш йылме-влак комиссийын погынымашыштыже ик йодышыжо лач тидын дене кылдалтын. Кумданрак – черетан материалыште.