Кугыжаныш Погынын депутатше-влак ик ой дене агропромышленный комплекс, экологий да пуртӱс дене пайдаланыме шотышто комитетын законодательный инициативыже верч йӱкленыт. Тиде йодыш регионысо парламентын 8-ше созывшын 6-шо сессийыштыже икте гына лийын. Мут Россий Федерацийысе Налоговый кодексыш вашталтышым пуртымо шотышто федерал законын проектше нерген. Документ дене келшышын, пакча-саскам перерабатыватлыме продуктым 10 процент кугытан налог ставкан продовольствий спискыш пурташ лиеш.