1 апрельыште Курымарий район Когосола школышто курыкмарий сылнымутлан тӱҥалтышым пыштыше, драматург Никон Игнатьевлан пӧлеклалтше «Никон Игнатьев лудмаш» лиеш. Шанче-практике конференций поро йӱлаш пурен да тений 25 гана эрта. Никон Васильевич Игнатьев – Курыкмарий район Салымсолан шочшыжо. Драматург, писатель, журналист – тудо историйыш икымше курыкмарий романын да икымше марий сатире сынан произведенийын авторжо семын пурен. Курыкмарий районысо книгагудо, Козьмодемьянск оласе урем, Салымсола ялысе тоштер да Игнатьев лудмаш. Чылажат тудын лӱмжым нумалыт.