Республикысе рӱдӧ юмыйӱла ушемым лишыл вич ий уэш Александр Бирюков вуйлаташ тӱҥалеш. Онаеҥ-влакын отчет-сайлымаш погынымашышт лийын. Тушко районласе общинын еҥже-влак толыныт. Тачысе кечын Марий Элыште 11 общине уло, кажне гаяк районышто кумалтыш-влак эртаралтыт, онаеҥ-влак калык дене вашлийыт, марий пайремым эртараш полшат, йӱла радамым шуктат. Александр Бирюков - Республикысе рӱдӧ юмыйӱла ушемым 2020 ий гыч вуйлата, тыгак тудо Йошкар-Оласе общинын вуйлатышыже.