Марий Эл Радио шке колыштшыжо-влак дене кылым эшеат чот пеҥгыдемда. Тидлан радиоканал «Мый – радиовӱдышӧ» проектым илышыш шыҥдара. Тудым шке 20 ияш лӱмгечыжлан пӧлеклен. Ты проект кумылан-влаклан чонлан келшыше программым але рубрикым вӱдаш йӧным пуа. Тидын годым колыштшо-влак эше ик гана йӧратыме вӱдышӧ дене вашлийын, нунын дене пырля вияш эфирыште пашам ыштен кертыт.