Мыскара нунын илышыштышт кугу верым налеш. Марий мыскарам калыкыш шарыше артист-влак таче поснак йодмашан улыт. Тачысе куштылго огыл илышыште мыскара кумылым нӧлта, илаш вийым пуа, сай ончыкылыклан ӱшаным шочыкта. Советский районысо Кужмарий ялын мыскарачыже Валентина Ефремова ден Вера Мочаева таче кундемыштына калыкын йӧратыме мыскараче семын палыме улыт.