Индешымше, латикымше класслаше шинчымашым погышо-влак иктешлыше экзаменлан ямдылалтыт. Тений ОГЭ 21 майыште, а ЕГЭ 23 майыште тӱҥалеш. Кодшо ийла семынак 9 классыште тунемше-влак ойырымо предмет семын марий йылме але марий литератур, татар йылме да татар литератур предмет-влакым ойырен кертыт. Кодшо ийын Марий Элысе школлаште шинчымашым погышо-влак гыч 500 утла тунемше марий йылме дене иктешлыше экзаменым кучен. Тений 541 тунемше марий йылме дене , 11 еҥ татар йылме дене экзаменым кучаш йодмашым возен.