Курыкмарий драме театрын историйжылан пӧлеклалтше книга. «Профессиональный театр – культурное достояние горных мари» савыктыш – 10 ияш шымлымаш паша. Тудым Марий Элын сулло артистше Марина Почтенева да Курыкмарий театрын сылнымут-драматический пӧлкажым вуйлатыше Светлана Васканова чумыреныт. Изданий курыкмарла да руш йылме дене савыкталтын. Тудын лаштыклаштыже ятыр фотосӱретым вераҥдыме. Автор-влак театрын пашаеҥже дене мутланеныт, ятырдокументым кугыжаныш архивыште шымленыт. Книга нерген кумданрак тудын ик авторжо Марина Почтенева каласкала.