Кугу сеҥымашлан да тудын талешкыже-влаклан пӧлеклатеш. Медведево районысо Шеклянур гыч Римма Жукова шке шочмо ялын фронтовикше-влак нерген фильмым ямдылен. Материал видеоэнциклопедийым ушештара. Тудым Римма Васильевна ныл тылзе наре чумырен: шарныктыш книга дене пашам ыштен, фронтовик-влакын родо-тукымышт дене мутланен. Фильмыш 197 ветеран нерген уверым пуртымо.