Юл кундем кугыжаныш технологий университетын Йошкар-Оласе аграрный колледжыштыже «Профессионалитет» федерал программе почеш чылаже 200 студент шинчымашым пога. 2023 ийыште ты туныктымо тӧнежыште кластер почылтын. 2 ий утла жапыште тудо технике дене пойдаралтын, туныктымаштат вашталтыш лийын. Азяково ялыште верланыше Йошкар-Оласе аграрный колледжын туныктымо полигонышто мемнан съемочный группына лийын.