Кугече пайрем дечын вара республикыште шошо кумалтыш радам почылтеш. Ик эн ончыч районлаште илыше-влак Агавайрем кумалтышке лектыт. Тудым тӱҥ шотышто май, июнь тӱҥалтыште шошо ага лӱмеш эртарат. Советский да Волжский районышто илыше-влак вӱд авалан кумалтышыш лектыт. Кызыт онаеҥ-влак кажне районышто эртыше идалыкым иктешлен, тенийысе идалыклан кумалтыш радамым ыштеныт.