Йоча-влакым музык деке шӱмаҥдаш, талантан икшыве-влакым сценыш лукташ. Тыгай амал дене Яков Эшпай лӱмеш Марий кугыжаныш филармоний ик кугу проектым илышыш шыҥдарен. Кажне ийын, апрельыште йоча-влак дене концертым эртарат. Лишыл жапыште филармонийын вӱдышӧ коллективше-влак, «Марий кундем» кугыжаныш калык семӱзгар оркестр, «Эреҥер» калык муро ансамбль да ола, районласе йоча сымыктыш школын тунемышже-влак ик сценыште выступатлаш тӱҥалыт. 19 апрельыште «Дети. Музыка. Весна» концерт программе дене калык ончыко лектыт. Кумданрак - материалыште.