Шкетан лӱмеш Марий Кугыжаныш драме театр тургымжым иктешла. 27 апрельыште тудо «Кавасе алаша» постановко дене мучашлалтеш. Спектакль «Небесный тихоход» совет жапысе музыкальный художественный кинофильм негызеш шындалтын. Тиде тургым театрлан моткоч лектышан да тӱвыргӧ лийын. 6 премьерым сценыш лукмо. Кугу Ачамланде сарыште Сеҥымашын 80 ияш лӱмгечыжлан кугу тӱткыш ойыралтын.