Кундемнан вӱдышӧ театр коллективше-влак «Каскад» фестиваль-лабораторийыш чумыргеныт. Республикысе калык усталык рӱдер фестивальым кок ийлан ик гана эртара. Калык театр коллектив-влакын фестивальышт эше кодшо курымын 60-шо ийлаштыжак вийым налын. Тений тышке чылаже 8 театр коллектив чумырген, нуно 10 постановкым ончыктат. Тышке Медведево, Морко, Оршанке, Параньга, Звенигово, Марий Турек районла да Йошкар-Ола гыч участник-влак толыныт.