Спорт вияҥме йодышым Кугыжаныш погынышто каҥашеныт. Рӱдолаште тӱвыра, туризм да спорт комитетын лектын коштмо заседанийже эртен. Кундемыштына спортын вияҥмыже, спорт объект-влакын пашашт нерген икмыняр темлымаш лектын. Нунын кокла гыч иктыже – 35 ияш деч кугурак ийготан еҥ-влаклан спорт картым ямдылаш, оласе спорт площадкылаш кошташ кумылаҥдаш. Тыгак посна тӱткышыштӧ йоча-влакын кеҥеж канышышт.