Эн сай йоча пожарный дружине. Марий Элыште самырык пожарный-влакын таҥасымашышт эртен. Ӱчашымашыш Йошкар-Ола, Медведево, Морко, У Торъял, Марий Турек, Параньга да Звенигово районла гыч тунемше-влак толыныт. Кок кече жапыште участник-влак икмыняр тӱрлӧ этапыште шке вийыштым тергеныт: Пожар лӱдыкшыдымылык шотышто шинчымашым ончыктеныт, тулым йӧртеныт, эмганыше еҥым утареныт.