Сенымашлан 80 ий темме пайрем вашеш республикысе ола ден районлаште шарнымаш верлам, чапкӱ ден монумент-влакым шотышко кондат. Тидын нерген Марий Эл кугыжаныш Погынын 8-ше созывшын шымше сессийыштыже ойленыт. Кугу Ачамланде сарыште вуйым пыштыше-влакын лӱмышт ӱмырешлан шарнымашеш кодшо, нуным тойымо верлам ынышт мондо манын, кугу паша шукталтеш. Кугыжаныш Погынын депутатше-влак тиде йодышлан кугу тӱткышым ойырат, верласе кучем орган-влаклан полышым пуат.