Марий самырык тукым слётыш ушнаш шонышо-влакым вучат. Кумылан-влак дечын йодмашым погаш тӱҥалыныт. Ий еда пайремым эртарыме вер вашталтеш. Ӱмаште тудо Курыкмарий районышто лийын гын, тений Звенигово районышто лиеш, 7 гыч 13-шо июль марте эрта. Слётын туныктымо, тӱвыра да каныме программыже пеш поян лийшаш. Вич кече жапыште ӱдыр-рвезе-влак шкеныштым тӱрлӧ мастар-класслаште, викторинылаште терген кертыт.