Кундемыштына Пеледыш пайремлан ямдылалташ тӱҥалыныт. Тений Федерал кӱкшытан Пеледыш пайрем Йошкар-Олаште 28-ше июньышто лиеш. Пайремлан ямдылалтме йодыш-влакым, мероприятий эртарыме радамым рашемдаш оргкомитетын икымше вашлиймашыже лийын. Тылеч ончыч пашаче группо йодышлам ончен лектын. Пеледыш пайрем сайын эртыже манын, тӱрлӧ структур, министерствыла пырля пашам ыштен шогат. Кызыт документла денат ятыр паша ышталтеш. Пеледыш пайремышке Марий Элын ола ден районлаж гыч, тыгак вес регионлаште илыше марий-влакын делегацийыштат толшаш улыт.