Марий Элын шочшыжо, Йошкар армий салтак Иван Букетовын сар корныжо Белоруссийсе Дубровенский район Петрики села марте шуйнен. Иван Афанасьевич Белоруссийым утараш полшен. Бойышто чот сусырген, госпитальыште колен. Фронтовикым туштак Белоруссийысе Витебск областьысе Петрики ялысе изак-шоляк шӱгарлаште тоеныт. Кугезе уныкаже Галина Букетова тудын тойымо вержым кужу жап кычалын. 2021 ийыште вашмут толын. Сеҥымаш кечын Галина Букетова кочажым тойымо верышке миен, тушан табличкым вераҥден. Рыленки мемориалыште эртыше митингыш ушнен.