Лӱмлӧ композитор, СССР-ын калык артистше, сарын ветеранже Андрей Эшпайын шочмыжлан – 100 ий. Тудо 60 утла кинофильмлан, театрыште шындыме 20 наре постановкылан семым возен. Тудын тӱҥ поянлыкше – тиде академический произведений-влак. 9 симфонийын, «Ангара» балетын, 100 утла романсын да мурын авторжо. Композиторын произведенийже-влак кокла гыч икымше ден кокымшо симфонийым, ачажым шарныме «Песни горных и луговых мари» произвденийым палемден кодыман. Андрей Эшпайын ачаже – семмастар Яков Эшпай - марий академический музыкылан негызым пыштен.