Сеҥымаш дене пӧртылыныт. Калыкле сымыктыш гимназийын тунемшыже, туныктышыжо Мосваште эртыше «Во имя жизни…» лӱман проектышке ушненыт. Совет жапысе муро-влакым ушышо фестивальыште икымше верым сеҥен налыныт. Социокультурный проект Кугу Ачамланде сарыште сеҥымашын 80 ияш лӱмгечыжлан пӧлеклалтын. Тудо ик тӱжемат 200 утла йочам ушен. Кумданрак – ямдылыме материалыште.