Тӱвыра инициативе шотышто президент фонд 4 ияш шочмо кечыжым палемда. Тудо 2021 ийыште элнан президентше Владимир Путинын указше почеш ышталтын. 2023 ий гыч регионлаште проект офис-влак шочаш тӱҥалыныт. Марий Элыште тудо Республикысе калык усталык рӱдер пелен пашам ышта. Кундемыштына тӱвыра инициативе шотышто президент фондын шочмо кечыжлан пӧлеклалтше проект лабораторий эртен.